एमाले महासचिव शंकर पोख्रेल भोलि चितवन आउँदै, शुभकामना कार्यक्रमलाई संवोधन गर्ने
Surya Baral
चितवन/
नेकपा (एमाले) का महासचिव शंकर पोख्रेल भोलि चितवन आउने भएका छन् ।नेकपा एमाले चितवनद्वारा आयोजित नेपालीहरुको महान् पर्व विजया दशमी, शभु–दीपावली, नेपाल सम्वत् एवम् छठ पर्वको पावन अवसरमा आयोजना हुन गइरहेको शुभकामना आदान–प्रदान कार्यक्रमका लागि महासचिव पोख्रेल चितवन आउन लागेका हुन् ।
भोलि बिहान ११ बजेबाट सुरु हुने कार्यक्रममा महासचिव पोख्रेलले संवोधन गर्ने एमाले चितवनका अध्यक्ष शंकर पोख्रेलले जानकारी दिए । शुभकामना कार्यक्रम एमाले चितवनको जिल्ला पार्टी कार्यालयमा हुने छ ।
वर्षेनी नेकपा (एमाले) चितवनले शुभकामना आदनप्रदान कार्यक्रम आयोजना गर्ने गरेको छ । दशैं अगाडि बाढी पहिरोले देश शोकमा डुबेका कारण एमालेले शुभकामना कार्यक्रम गरेको थिएन । अहिले दशैंपछि गर्न लागिएको अध्यक्ष पाठकले जानकारी दिए ।उनले शुभकामना कार्यक्रममा उपस्थित हुन सबैलाई आग्रह गरेका छन् ।
