चितवन/ भरतपुर महानगरपालिका -७ स्थित जलदेवी क्यान्सर चोक टोल बिकास संस्थाद्वारा  आयोजित ट्राफिक जनचेतना तथा हरितालिका (तीज) को पावन अबसरमा दिदीबहिनीहरुलाई शुभकामना आदानप्रदान  कार्यक्रम भब्य , सभ्य रुपमा सम्पन भएको छ । आजैका मितिदेखि लागू हुने गरि क्यान्सर गेटबाट चल्ने अटो र म्याजिकमा टोल बिकास संस्थाले आफ्नो स्टिकर टास्न लागू गरियो भने पार्किङ र नो पार्किङका बोडहरु राखी साना सवारी साधनलाई ब्यवस्थित  ब्यवस्थापन गरियो । 

आमा समुहका दिदी बहिनी हरु लाई टोलको तर्फबाट हरितालिका (तीज)को अबसर पारेर  ५० वटा साडी बितरण गरियो । वडा नं ७ का बिकास प्रेमी आदरणीय अध्यक्ष श्री राजेन्द्रमणि काफ्लेज्यूको प्रमुख आतिथ्यतामा सम्पन कार्यक्रममा जिल्ला ट्राफिक कार्यलय चितवन, नगर प्रहरी बल भरतपुर र विभिन्न संघ संस्थाका प्रमुखहरुको उपस्थिति थियो ।साे  कार्यक्रममा उपस्थित सम्पूर्ण अतिथि ज्यूहरु लगाएत सहभागी दाजुभाइ , दिदीबहिनीहरु , बुवा आमा प्रती बिशेष  अध्यक्ष दिपक ढकालले आभार धन्यवाद दिएका थिए।