७३ औं मदन जयन्तीको अवसरमा माडीको पुष्प मदन वाटिकामा वृक्षारोपण
Surya Baral
चितवन, असार १४ – चितवनको माडीमा स्थित पुष्प मदन वाटिकामा आज नेकपा ९एमाले० चितवन र मदन भण्डारी फाउण्डेसनको संयुक्त आयोजनामा वृक्षारोपण कार्यक्रम सफलतापूर्वक सम्पन्न भएको छ। नेकपा एमाले माडी नगर कमिटीको संयोजनामा गरिएको यो कार्यक्रममा विभिन्न प्रकारका बिरुवाहरु लगाइएको थियो। मदन भण्डारीको अस्तु उक्त स्थानमा लगाई विसर्जन गरिएको थियो र उस्तै स्थानमा एक ठूलो रुख पनि रोपिएको थियो।
यस्तै, उक्त स्थानलाई राजनैतिक भ्रमण केन्द्रको रुपमा विकास गर्न विभिन्न संरचना निर्माण गरिएको थियो। कार्यक्रमको उद्घाटनमा नेकपा एमाले पोलिटब्युरो सदस्य देवी ज्ञवालीले पुष्पलाल श्रेष्ठ र मदन भण्डारीको शालिकमा फुलगुच्छा अर्पण गरी वृक्षारोपण गरे। कार्यक्रममा एमाले नेताहरु यमबहादुर परियार, दावादोर्जे लामा, विजय सुवेदी, डा तिलचन्द्र भट्टराई लगायतका केन्द्रीय तथा जिल्ला नेता कार्यकर्ताको उपस्थिति रहेको थियो।
यसैसँगै, कार्यक्रममा मदन भण्डारी फाउण्डेसनका प्रतिष्ठाता सदस्यहरू र स्थानीय नागरिकहरूले पनि सक्रिय भाग लिएका थिए। यो कार्यक्रमले स्थानीय विकास र सामुदायिक समृद्धिका लागि महत्त्वपूर्ण योगदान गरेको मानिन्छ।
