अत्याधिक गर्मीका कारण भरतपुरका सबै स्कुलहरु भोलिदेखि चारदिन बन्द हुने

Surya Baral

 |  प्रकासित मिति : २८ जेष्ठ २०८१, सोमबार २१:१८

चितवन/अत्याधिक गर्मीका कारण भरतपुरका सबै विद्यालयहरु भोलिदेखि चार दिनका लागि बन्द गरिने भएको छ ।मंगलबार देखि शुक्रबारसम्म महानगर भित्रका सबै शैक्षिकसंस्थाहरु बन्द गर्न महानगरले भनेको छ ।

भरतपुर महानगरपालिका शैक्षिक प्रशासन महाशाखाका प्रमुख सुवासचन्द्र आचार्यद्धारा जारी सूचनामा वर्षे विदाबाट कट्टा हुनेगरि चारदिन विद्यालयहरु बन्द हुने जनाइएको छ ।विदाको अवधिमा आफ्ना बालबालिकाहरुलाई घरमै राख्न, पौडी खेल्न जान नदिनुहुन तथा सावधानीका उपायहरु अपनाउन भनिएको छ ।