नारायणगढमा योमरी, सेल-रोटी र बारा को २-दिने मेला
superadmin
योमरी-सेलरोटी-बारा, पुस्तकालय निर्माणको सहारा” मूल नारासहित, रोट्रयाक्ट क्लब अफ भरतपुर हाईट तथा पुतलीबजार महिला समूहद्वारा संयुक्त रुपमा आयोजित “पुस्तकालय निर्माण सहयोगार्थ कार्यक्रम” यहि पौष २९ र माघ १ गते बिहान ११ बजे देखी पुतलीबजार (भीमसेन मन्दिर अगाडि), नारायणगढमा आयोजना हुन गईरहेको छ।
उक्त २-दिने कार्यक्रम स्थलमा योमरी, सेल-रोटी र बारा पाइनेछ। कार्यक्रमबाट संकलन भएको पूरा रकम आधारभूत विद्यालय शरणपुरमा पुस्तकालय निर्माण कार्य सम्पन्न गर्न प्रयोग हुने, रोट्रयाक्ट क्लब अफ भरतपुर हाईट का अध्यक्ष सुरज भण्डारीले जानकारी गराए। खानेकुराहरु १०० प्रतिशत शाकाहारी, शुद्ध र सफा रहने कुरामा विश्वस्त रहन पनि उनले अनुरोध गरेका छन्।
रोट्रयाक्ट क्लब अफ भरतपुर हाईटले यस अघि पनि चितवन जिल्लामा विभिन्न सामाजिक कार्यहरु गर्दै अघि बढिरहेको संस्था हो।
उनले यस कार्यक्रम सफल बनाउनुहुन चितवन बासीहरुलाइ उपस्थितको लागि हार्दिक अनुरोध पनि गरेका छन्।
