काठमाडौमा प्रहरी नै लुटपाटमा सम्लग्न !
Surya Baral
काठमाडौँ/काठमाडौं उपत्यकामा कार्यरत तीनजना प्रहरी लुटपाटमा संलग्न रहेको आरोपमा पक्राउ परेका छन् । प्रहरी वृत्त महाराजगञ्जमा कार्यरत प्रहरी सहायक निरीक्षक (असई) सुनबहादुर तामाङ, हवल्दार खगराज अधिकारी र प्रहरी जवान भुवन बराल लुटपाट आरोपमा पक्राउ परेका हुन् ।
समाचार स्रोतका अनुसार पक्राउ परेका उनीहरूले दुई जनालाई जे मुद्दामा पनि फसाइदिन सक्ने भन्दै महाराजगञ्जस्थित सडकमा पैसा लुटेका थिए । घटना एक महिनाअघिको हो ।
पक्राउ परेका तीनै जना सिआरभीमा काम गर्ने प्रहरी रहेको जिल्ला प्रहरी परिसर, काठमाडौका एक प्रहरी अधिकारीले बताए । काठमाडौँ परिसरको थुनामा राखेर उनीहरुमाथि थप अनुसन्धान गरिरहेको छ ।
