जिल्लामा खुलेआम जुवाखालः प्रहरी प्रशासन मुकदर्शक या बेखबर ?
Surya Baral
सुर्य बराल/बुधबार/कार्तिक १/चितवन÷मुलुकको केन्द्रभाग चितवन जिल्लामा बिगत केही समययता दिनदहाडै जुवाखाल सञ्चालन भईरहेको खुल्नमा आएको छ । जिल्लाको मुख्य ब्यापारिक केन्द्र नारायणगढ बजार, भरतपुरको बसेनी, पुर्बि चितवनको पर्सा, भण्डारा, सौंराह, खोलेसिमल, पश्चिम चितवनको मंगलपुर, शारदानगर, चनौंली, जगतपुर र मेघौंलीलगाएतका दर्जन बढी स्थानमा खुलेआम जुवाखाल सञ्चालन भईरहेको खबर प्राप्त भएको हो ।
त्यस्तै ईच्छाकामना गाँउपालिका वडा नं ८ सिमलढाप, पिपलटार क्षेत्रमा समेत केही महिना अघिबाट निर्वाद जुवाखाल सञ्चालनमा आएको पाईएको छ । भण्डाफोर अभियानलाई प्राप्त भरपर्दो सुचना अनुसार स्थानिय चौंकी ईन्चार्ज र केही घुमुवा प्रहरीसँगको मिलेमतो र सेटिङ्गमै जुवाखाल सञ्चालन भईरहेको खुल्नमा आएको छ । एक गोप्य श्रोतले दिएको जानकारी अनुसार जिल्लाको भरतपुर महानगरपालिका वडा नं.११ बसेनीमा बाह्रमासे जुवाखाल भईरहेको, त्यस्तै पुर्बीचितवनको भण्डारामा स्थानिय प्रहरीका केही चल्तापुर्ता प्रहरीलाई हातमा लिई केही महिनादेखि ठुलो जुवाखाल सञ्चालन गरिरहेका हुन् ।
श्रोतका अनुसार नामुद जुवाडेहरु नवलपुर डण्डाका क्रृषि थनेत, रमेश श्रेष्ठ, गोर्खा घर भई खोलेसिमल ससुराली बस्दै आएका दोङ्ग थरका अर्का एक ब्यक्तिले सञ्चालन गरेको जुवाखालमा चितवन, नवलपुर, गोर्खा, तनहँु, धादिङ्ग, मकवानपुर लगाएतका जिल्लाबाट जुवाडेहरु आई बिना बाधा अड्चन निर्बाद जुवा खेलीरहेको श्रोतको दाबी छ ।
प्रहरीकै आखाँ अगाडी चौकी ईन्चार्जहरुकै सेटिङ्गमा लाखौंको जुवाखाल भईरहेको श्रोतले जानकारी दिएको छ । श्रोतका अनुसार साबिकको दिब्यनगर सिसुवार भरतपुर २६,त्यस्तै रामपुर, चन्द्रनगर टुहुरेपसल लगाएतका स्थानमा समेत स्थानिय प्रहरी चौंकीका ईन्चार्जहरुलाई खुसी बनाई निर्बाद जुवाखाल सञ्चालन भईरहेको छ ।
जुवाडेहरुको सुचक र सुरक्षामा प्रहरी कै सम्लग्नताको आशंका
जिल्लामा सञ्चालित अधिकांश जुवाखालमा स्थानिय प्रहरी चौंकी ईन्चार्ज र ड्युटीमा रहेका प्रहरीका साथै घुमुवा प्रहरीहरुको समेत प्रत्यक्ष–अप्रत्यक्ष सम्लग्न हुने गरेको श्रोतको दाबी छ । श्रोतका अनुसार ठुला जुवाखालका जुवाडेहरुलाई सुचना दिई भगाउने र उनीहरुको सुरक्षा पहरा स्वंय प्रहरीहरुले नै दिने गरेको पाईएको छ ।जुवाडेहरुले केही रुपयाँको प्रलोभन दिई केही स्थानिय चौंकीका प्रहरीहरुलाई आफ्नो सुचकको रुपमा प्रयोग गरेको पाईएको हो ।
खाल भन्दा एक किलोमिटर पेरिफेरी अगाडीबाटै को आईरहेको छ, कतिजाना कस्ता मान्छे वा जिल्लाबाट जाने घुमुवा टोली वा बिशेष गस्ती आईरहेको छ सबै सुचना दिई उनीहरुलाई भगाउने र जोगाउने कार्य भईरहेकोले पछिल्लो समय निर्बाद जुवाखाल सञ्चालन हुँदापनि प्रहरीले पक्रन असफल भईरहेको श्रोतको दाबी छ ।
प्रहरी सँगै अन्य आफ्ना सुरक्षा घेरा बनाई उनीहरुले निर्वाद जुवाखाल सञ्चालन गरेको पाईएको छ । चौंकी ईन्चार्जहरुको समेत सम्लग्नताले गर्दा जवान हवल्दारहरु मनोबल बढी उनीहरुले निर्बाद पहरा दिई जुवाखाल सञ्चालन भईरहेको ठोकुवा गर्दै श्रोतले भन्यो, ‘जुवाडेलाई पक्राउ गर्नुपर्ने प्रहरीले नै सुचना र सुरक्षा दिएपछी कस्को के लाग्छ र ?’
जुवाडेका तिन तहका सुचना एवं सुरक्षा घेरा
आफ्नो र जुवाखालको सुरक्षाको लागी जुवाडेहरुल तिन तहको सुरक्षा घेरा निर्माण गरेको बुझिएको छ । उनीहरुले आफ्नो सुरक्षाको लागी पहिलो तहमा जुवाखाल सञ्चालन भईरहेको घर धनी वा छिमेकका केही युवालाई दैनिक ज्याला दिई सो घर आसपासमा अपरिचित मान्छे को आईरहेको छ, त्यस्को सुचना लिने गरेको पाईएको छ ।
त्यस्तै दोश्रो तहमा आफ्ना पेशेवर कर्मचारी जो जता जुवाखाल हुँदापनि उनीहरुलाई सँगै लैजान्छन तिनीहरुलाई परिचालन गरिएको हुन्छ । उनीहरुले समेत जुवाडेहरुलाई सुचना दिने कार्य गर्दछन् । उनीहरुले पैदल र बाईकमा गस्ती गर्ने गरेकोे श्रोतको दाबी छ । दुई तह पछाडी रहेको जुवाडेहरुको सुरक्षा घेरा तिनै स्थानिय चौकीका केही प्रहरी हुने गरेको बुझिएको छ । जुवाडेहरुले दैनिक रुपमा उठाएको भिष्टो रकमको केही हिस्सा परिचालन गरी उनीहरुले आफ्नो सुरक्षा घेरा र सुचना प्रणालीलाई मजबुद बनाएकोले निर्बाद जुवाखाल सञ्चालन भईरहेको पाईएको छ ।
यसैबिच यस बिषयमा बुझन् खोज्दा जिल्ला प्रहरी कार्यालय चितवनका प्रहरी प्रमुख प्रहरी उपरिक्षक रामेश्वर कार्कीसँग कुरा गर्दा उनले जुवातास खेल्ने खेलाउने, हेर्ने र खेल्न सहयोग गर्ने सबैलाई जुवा ऐन अन्र्तगतकार्बाही हुने बताए ।
