जन्मदिनमा विद्यार्थीलाई सहयोग
Surya Baral
कालिका/सामाजिक कार्यमा सक्रिय संस्था “हाम्रो दृष्टि राम्रो दृष्टि”चितवनका संस्थापक अध्यक्ष बसन्त गैरेले बिद्यार्थीहरूलाई सहयोग गरेका छन् । शुक्रबार कलिका नगरपालिका ६ मा रहेको श्री जमुनापुर माध्यमिक बिद्यालयमा शैक्षिक सामाग्री सहयोग गरेर आफ्नो जन्मदिन विद्यार्थीसँगै मनाएका छन् ।
शैक्षिक सामग्री हस्तान्तरण कार्यक्रममा बोल्दै कालिका ६ का वडा अध्यक्ष टीकाराम रेग्मीले समथर भु(भागमा रहेको बिद्यालय अत्यन्तै कमजोर स्थितिमा रहेको हुँदा सहयोग र समन्वयले सामान्य भौतिक गुणस्तरको बिद्यालयमा बालबालिकाले पाउने शिक्षा गुणस्तरीय हुने बताए। सामाजिक काम सम्झेर बालबालिकाको लागि सहयोग गरेकोमा आभार ब्यक्त गरे ।
बिद्यालयकि प्रधानाध्यापक गीता न्यौपानेले खानपिन र रमाइलोमा खर्च गरेर जन्मदिन तथा अन्य कार्य गर्ने समयमा सामाजिक उत्तरदायित्व सम्झेर संस्थागत तर्फबाट बिद्यालयमा बालबालिकालाई सहयोग गर्न आएकोमा धन्यवाद ब्यक्त गरिन् ।
शैक्षिक सामाग्री वितरण गर्दै संस्थाका अध्यक्ष बसन्त गैरेले शिक्षाको क्षेत्रमा आफुले गर्ने काम पहिलो प्राथमिकतामा पर्ने बताए । उनले आफू बिदेशी भूमिबाट फर्किएर स्वदेशमै बस्ने निर्णय गरेपश्चात “हाम्रो दृष्टि राम्रो दृष्टि” संस्था स्थापना गरेर काम गर्न थालेको बताए । उनले समाजका हरेक आवश्यकतामा आफू र संस्था हरपल जोडिन तयार रहेको बताए ।
जन्मोत्सवमा गैरेले बिद्यालयमा ३० जनालाई कापीकलम र खेलकुद सामाग्री बितरण गरेका हुन । कालीका नगरपालिका वडा नं।६ का वडा अध्यक्ष टीकाराम रेग्मीको प्रमुख आतिथ्यता रहेको थियो भने बिद्यालय ब्यवस्थापन समितिका अध्यक्ष नारायण प्रसाद पुडासैनीको अध्यक्षतामा कार्यक्रम सम्पन्न भएको थियो ।
