अबिरल बर्षाको कारण भरतपुरका हवाई उडान प्रभावित

Surya Baral

 |  प्रकासित मिति : १७ आश्विन २०८०, बुधबार १६:१९

चितवन/निरन्तरको अबिरल बर्षाको निम्त्याएको प्रतिकूल मौसमका कारण आज (बुधबार) चितवनमा हवाई उडान प्रभावित बनेको छ । भरतपुर विमानस्थलका अनुसार अबिरल बषाको कारण आज बिहानैबाट उडान प्रभावित बनेको हो ।

बुद्ध एयर भरतपुरका स्टेसन म्यानेजर भक्त बस्नेतले दिएको जानकारी अनुसार आज भरतपुरबाट एउटा मात्रै उडान भएको छ । प्रतिकूल मौसमका कारण बिहान ८ बजे भरतपुरबाट बुद्ध एयरले काठमाडौँको एउटा उडान भरेपनि हाल सबै उडान प्रभावित भएको बस्नेतले जानकारी दिए । उनी भन्छन्, ‘बुद्ध एयरले काठमाडौँको ९ र पोखराको एक गरी दैनिक १० वटा उडान गर्दै आएको भएपनि आज सबै उडान प्रभावित भएका छन् ।

चितवनमा गएराति देखि नै ठूलो वर्षा भइरहेको छ कारण भरतपुरएयरपोर्तबाट राजधानी काठमाण्डौं पोखरा लगाएतका स्थानमा जाने जहाजहरु रोकिएर बसेका छन् ।