चितवन जिल्ला क्रिकेट संघका निवर्तमान अध्यक्ष कैलाश प्रधान सम्मानित!

Surya Baral

 |  प्रकासित मिति : ९ भाद्र २०८०, शनिबार २१:५५

भरतपुर/चितवन जिल्ला क्रिकेट संघले निर्वतमान अध्यक्ष कैलाश प्रधानलाई सम्मान गरेको छ । चितवनको क्रिकेट खेलको विकासमा महत्वपूर्ण योगदान पु¥याएको भन्दै संघले आज शनिबार (नारायणगढ)मा एक कार्यक्रमको बीच प्रधानलाई ताम्रापत्र र खादाले सम्मान गरेको हो ।

सम्मानित हुँदै प्रधानले नयाँ निर्वाचित नेतृत्वलाई क्रिकेट ऐकेडेमीको विकास गर्न आग्रह गर्नुभएको छ । उहाँले नयाँ प्रतियोगिता खेल्ने वातावरण बनाउनका लागि सबैलाई मिलाएर लैजान समेत अनुरोध गर्नुभयो ।
सम्मान गर्दै संघका अध्यक्ष सुदिप पियाले आफ्नो कार्यकालमा संघको मान, प्रतिष्ठा र इञ्जतलाई राष्ट्रिय तथा अन्तराष्ट्रियस्तरसम्म पु¥याउन प्रधानको अतुलनीय योगदान रहेको बताउनुभयो । क्रिकेट खेल र खेलाडीहरुको समग्र विकासमा प्रधानले गरेका काम प्रति उहाँले मुक्तकण्ठले प्रसंसा समेत व्यक्त गर्नुभयो ।
प्रधानले चितवन जिल्ला क्रिकेट संघको नेतृत्वमा रहेर १७ बर्ष काम गर्नुभएको थियो । २०५९ सालमा जिल्ला सदस्य भएर काम गर्नुभएका प्रधान २०६० सालको बिचमा उपाध्यक्ष हुनुभएको थियो । प्रधान २०६३देखि हालसम्म चितवन जिल्ला क्रिकेट संघको अध्यक्ष हुनुहुन्थ्यो । गत साउन २३ गते भएको संघको अधिवेशनबाट नयाँ नेतृत्व आएको हो । चितवन जिल्ला क्रिकेट संघको स्थापना २०५३ सालमा भएको थियो । त्यसयता चितवनबाट उत्पादित दर्जनभन्दा बढी खेलाडीले अन्तराष्ट्रिय स्तरका खेल खेलिसकेका छन् ।