पटिहानी सुन्दरबस्तीमा रोट्रयाक्टको स्वास्थ्य शिविर, २०९ बच्चाहरूले गरे स्वास्थ्य परीक्षण
Surya Baral
भरतपुर–१४, पटिहानीको सुन्दरबस्तीमा बच्चाहरूको निःशुल्क स्वास्थ्य शिविर भएको छ ।
रोटर्याक्ट क्लब अफ भरतपुर हाईटको आयोजनामा सुन्दरबस्तीमा वृहत् स्वास्थ्य शिविर गरिएको हो ।
निको बाल अस्पतालका वरिष्ठ विशेषज्ञ डाक्टरबाट स्वास्थ्य परीक्षण सेवाको सुविधा उपलब्ध गरिएको थियो । निको बाल अस्पतालका विशेषज्ञहरूबाट स्वास्थ्य शिविर सुन्दरबस्ती आधारभूत विद्यालयमा भएको थियो ।
शिविर सञ्चालन भएकोमा धन्यवाद ज्ञापन गर्दैे स्थानीय बासिन्दाहरूले यस क्षेत्रमा निरन्तर जोडिइरहनको लागि आग्रह पनि गरे ।
रोट्रयाक्ट क्लब अफ भरतपुर हाईटले सामाजिक सेवाको क्षेत्रमा अत्यन्तै सराहनीय रहेको र त्यसबाट आफू गौरवान्वित भएको यस क्लबका अध्यक्ष अपेक्षा श्रेष्ठले बताइन।
