रास्वपा सरकारमा जाने सम्भावना !
Surya Baral
काठमाडौँ /राष्ट्रिय स्वतन्त्र पार्टी ९रास्वपा० सरकारमा जान सकारात्मक देखिएको छ । रास्वपा केन्द्रीय समिति बैठकले सरकारका विषयमा कुनै निर्णय नगरी शुक्रबारसम्मको पर्ख र हेरको नीति लिएको हो ।
गृहसहित तीन मन्त्रालय र साझा न्यूनतम कार्यक्रम पुर्नलेखन भए सरकारमा जान सकिने रास्वपा केन्द्रीय सदस्य गणेश कार्कीले बताए । ‘सरकारका विषयमा अझ राम्रोसँग बुझौं । समय लिएर विश्लेषण गरेर निर्णयमा पुगौं । सरकारमा जाने विषयमा हतारमा निर्णय गर्नुहुँदैन भन्ने भयो’ कार्कीले भने, ‘साझा न्यूनतम कार्यक्रममा हाम्रा एजेण्डाहरु हटाएको छ । हामीलाई दिने भनिएको मन्त्रालयमा समेत हस्तक्षेप भएका छन् । ती सबै हुने सुनिश्चित भए सरकार जान सकिन्छ ।’
रास्वपाले हतारिएर सरकारमा जानेभन्दा गठबन्धनको आन्तरिक कुराहरु के के छन् भन्ने विषयलाई राम्रोगरी बुझ्ने नीति लिएको छ । सत्तामा जाने विषयलाई मात्रै प्रधान नबनाउन नेताहरुले समेत सुझाव दिएका छन् ।
आइतबार बसेको केन्द्रीय समिति बैठकमा सभापति रवि लामिछानेलाई संसदिय दलको नेता बनाएको रास्वपाका केही शीर्ष नेताहरुले परिस्थितिको विश्लेषण गरेका थिए । सभापति लामिछानेलेसरकारमा जानुपर्नेमा जोड दिएको पनि बुझिएको छ ।
