भरतपुर महानगरपालिका देशकै उत्कृष्ट नगरपालिका घोषित

Surya Baral

 |  प्रकासित मिति : २९ फाल्गुन २०७९, सोमबार २२:१२

चितवन/भरतपुर महानगरपालिका देशकै उत्कृष्ट नगरपालिका घोषित भएको छ । आज काठमाडौँमा आयोजित नेपाल नगरपालिका संघको ३०औं स्थापना दिवसको अवसरमा भरतपुर महानगर शहरी योजना पूर्वाधार विकास तथा विपद् व्यवस्थापन विधामा देशकै उत्कृष्ट ठहरिदै उत्कृष्ट नगरपालिकाबाट पुरस्कृत भएको हो ।
प्रधानमन्त्री पुष्पकमल दाहाल ‘प्रचण्ड’ले आज ‘उत्कृष्ट नगरपालिका पुरस्कार–२०७९’ महानगर प्रमुख रेनु दाहाललाई प्रदान गर्नुभएको हो। भरतपुर महानगरपालिकामा पछिल्लो समय विकासले गति लिएको छ। केही महिना अघि मात्रै भरतपुर महानगर ६ वटा महानगरपालिका मध्ये कार्यसम्पादन मूल्यांकनमा पहिलो भएको थियो ।
भरतपुरको विकासमा मेयर दाहालले सदैव अग्रसरता लिने गर्नुभएकाले उहाँकै पहलमा भरतपुरमा ठूलठूला केन्द्रीय आयोजनाहरु भरतपुरमा पर्ने गरेको छ ।