दानवीरका रुपमा चिनिएकी पूर्व सांसद मैयादेवी श्रेष्ठको निधन
Surya Baral
चितवन/पूर्व सांसद मैयादेवी श्रेष्ठको निधन भएको छ । श्रेष्ठको चितवन मेडिकल कलेजमा उपचारका क्रममा गएराती १ः१० बजेको समयमा मृत्यु भएको पारिवारिक स्रोतले जानकारी दिएको हो ।
२०४८ सालमा गोरखावाट निर्वाचित सांसद र पछि मनोनित राष्ट्रिय सभाको सांसद गरि लगातार १२ वर्षसम्म सांसद रहेकी श्रेष्ठ वि.स. १९८७ असोजको फूलपातीका दिन तनहूँको वन्दिपुरमा जन्मनु भएको थियो ।
दानवीरका रुपमा चिनिएकी अविवाहित श्रेष्ठले धर्मछोराहरु तथा विभिन्न सामाजिक तथा राजनीतिक क्षेत्रका संघसंस्थालाई आार्थिक तथा जग्गा दान गर्नु भएको थियो।
श्रेष्ठको शवलाई आज बिहान ९:३० बजेदेखि १० बजेसम्म नेपाली कांग्रेस चितवनको पार्टी कार्यालयमा र १० बजेपछि केहीबेर उनले नै स्थापना गरेको मैयादेवी कलेज परिसरमा श्रद्धाञ्जलीका लागि राखिने पौडेलले बताए । त्यसपछि श्रेष्ठको शवलाई अन्त्येष्टिका लागि देवघाट लगिने छ।
