भरतपुर-५ मा अन्तर टोल बिकास संस्था स्तरीय हाजिरी जवाफ प्रतियोगिता हुने
Surya Baral
चितवन/चितवनको भरतपुर ५ तोरीखेतमा अन्तर टोल बिकास संस्था स्तरीय हाजिरी जवाफ प्रतियोगिता हुने भएको छ । सिर्जनशिल टोल बिकास संस्थाको आयोजनामा शनिबार होटल डबकामा प्रतियोगिता हुन लागेको हो । प्रतियोगिताको भरतपुर ५ का वडाध्यक्ष युद्धप्रसाद श्रेष्ठले उद्घाटन गर्नेछन् ।
प्रतियोगितामा वडा नम्बर ५ भित्रका २९ टोल बिकास संस्था मध्ये १६ टोली सहभागी हुने संयोजक अर्जुन गिरीले जानकारी दिए । प्रत्येक टोलीमाकक्षा १० सम्म अध्ययन गर्ने तीन-तीन जना विद्यार्थी हुनेछन् । हरेक टिममा एक छात्रा अनिवार्य गरिएको गिरीले बताए । १६ टोलीबाट आठ टोली छनौट चरण पार्दै गर्दै दोस्रो चरणमा प्रवेश गर्नेछन् ।
प्रतियोगिताको विजेताले १५ हजारसहित शिल्ड र प्रमाणपत्र प्राप्त गर्नेछ । दोस्रो हुनेले दश हजार, तेस्रोले पाँच तथा सान्त्वनाले तीन हजार रुपैयाँ प्राप्त गर्ने उनले बताए । कार्यक्रम सम्पन्न गर्न एक लाख ४३ हजार खर्च हुने अनुमान गरिएको छ ।
