उत्तरपूर्वी चीनको एक रेस्टुरेन्टमा आगलागी, १७ जनाको मृत्यु

Surya Baral

 |  प्रकासित मिति : १३ आश्विन २०७९, बिहीबार ०२:११

एजेन्सी/उत्तरपूर्वी चीनको एक रेस्टुरेन्टमा आगलागी भएको छ । आगलागीमा परि कम्तीमा १७ जनाको मृत्यु हुनुका साथै अन्य तीन जना घाइते भएका स्थानीय अधिकारीहरूले बताएका छन् । चाङचुन शहरको एउटा भोजनालयमा आगलागी भएको स्थानीय सरकारले जनाएको छ ।

आगलागी लगत्तै अग्नि नियन्त्रकहरू घटनास्थलमा पुगेका थिए । घाइतेहरूको स्थानीय अस्पतालमा उपचार भइरहेको छ । आगलागीको कारण अनुसन्धान भइरहेको छ ।