गोरखामा बैंकको एटिएम तोडफोड
Surya Baral
गोरखा/गोरखाको हरमटारीस्थित कालिमाटीमा रहेको कुमारी बैंकको एटिएम कक्ष तोडफोड भएको छ।
एटिएम मेसिन तोडफोड गरे पनि पैसा लगे वा नलगेकोबारे अनुसन्धान भइरहेको जिल्ला प्रहरी कार्यालय गोरखाका डिएसपी लिलाराज लामिछानेले बताए।
आज बिहान सुरक्षागार्डले एटिएम मेसिन तोडफोड भएकोबारे प्रहरीलाई खबर गरेका थिए।
‘पैसा लगेको वा नलगेको खुलेको छैन। बैंकका मानिसहरू आउँदै हुनुहुन्छ। थप अनुसन्धान सुरू गरिन्छ,’ उनले भने।
