नेपाली पत्रकारिता सँधै अग्रगमनको पक्षमा : प्रचण्ड

Surya Baral

 |  प्रकासित मिति : ११ आश्विन २०७९, मंगलवार ०१:४२

भरतपुर । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाली पत्रकारिताले सँधै अग्रगमनलाई साथ दिएको बताएका छन् । प्रेस सेन्टर चितवनले गत् सोमबार आयोजित दशैँ, तिहार, छठलगायत चाडपर्वको शुभकामना आदानप्रदान कार्यक्रमलाई सम्बोधन गर्दै प्रचण्डले नेपाली प्रेस जगतले जनयुद्धका बेला देखि नै साथ दिएको बताए ।
नेपाली पत्रकारिताले सँधै अग्रगमनलाई साथ दिएको भन्दै जनयुद्धलाई शान्तिमा ल्याउन पनि प्रेस जगतले ठूलो आधार निर्माण गरेको बताए । अबको दशक आर्थिक क्रान्तिको दशक हुने उनले बताए । प्रत्येक क्रान्तिपछि प्रतिक्रान्तिले टाउको उठाउने खतरा रहने भन्दै उनले भने, ‘परिवर्तन उल्ट्याउन ठूलो शक्ति आउँछ ।
प्रतिगमनकारीले पनि जनमत बटुल्ट झुट प्रचार गर्ने र जनतालाई दिग्भ्रमित पार्ने काम गर्ने भन्दै उनले परिवर्तनको रक्षा गर्ने लोकतान्त्रिक शक्तिले पनि निरन्तर कसरत गरिरहने बताए । ‘अहिले पनि एकथरी तत्वहरु संविधानलाई के गरी उल्ट्याइदिने होला, गणतन्त्रलाई कसरी कमजोर बनाउने होला । पार्टी र नेताहरुलाई कसरी बदनाम गर्ने होला भनेर लागिरहेका छन’, उनले भने । प्रेसले फेरीपनि अग्रगमनको पक्षमा साथ दिने र प्रतिगमनकारीहरुलाई धुलो चटाउनुपर्ने बताए ।