ब्राउन सुगरसहित २ जना पक्राउ

Surya Baral

 |  प्रकासित मिति : १० आश्विन २०७९, सोमबार १२:२९

धनुषा/प्रहरीले प्रतिबन्धित ब्राउन सुगरसहित २ जना पक्राउ परेका छन् । धनुषाको बिदेह नगरपालिका–१ महिनाथपुरस्थित भारतबाट नेपालतर्फ आउँदै गरेका सिरहाको कर्जना नगरपालिका–३ थाना चौक बस्ने २३ वर्षीय महादेव मण्डल र कर्जना–२ बन्दीपुर छगरिया बस्ने १९ वर्षीया अस्मिता खत्रीलाई हेलमेटमा ब्राउन सुगर राखेको अवस्थामा सशस्त्र प्रहरीले पक्राउ गरेको हो ।

भारतबाट नेपालतर्फ आउँदै गरेको स ६ प ८०८६ नम्बरको मोटरसाइकललाई शंकाको आधारमा चेकजाँच गर्दा मण्डलले लगाएको हेलमेटबाट १६.८५ ग्राम ब्राउन सुगर बरामद भएको हो । पक्राउ परेका दुवैजनालाई इलाका प्रहरी कार्यालय खजुरीमा बुझाइएको सशस्त्र प्रहरीले जनाएको छ