राप्तीको मञ्जुश्री दाना उद्योगमा आगालागी

Surya Baral

 |  प्रकासित मिति : २४ भाद्र २०७९, शुक्रबार ०१:५८

चितवन/चितवनको राप्ती नगरपालिका–३ झुरझुरेस्थित मञ्जुश्री दाना उद्योगमा आगालागी भएको छ । जिल्ला प्रहरी कार्यालय चितवनका अनुसार कुखुराको दाना भएको उक्त उद्योगमा विद्युत् सर्ट भई आगलागी हुँदा अन्दाजी एक करोड पचास लाख रुपैयाँ बराबरको क्षति भएको छ ।

शुक्रबार बिहान १ः४० बजेको समयमा लागेको आगो ईलाका प्रहरी कार्यालय भण्डारा, दमकल, प्रहरी र स्थानीयको सहयोगमा बिहान ३ः२० बजेका समयमा पुर्ण रूपमा नियन्त्रणमा आएको हो ।

आगलागीबाट दाना बनाउन प्रयोग हुने मेसिन, बिजुलिका सामान, गोदाममा भएको दाना लगाएतमा क्षती भएको गोदाम धनी किरण वलिको दावी रहेको छ । ईलाका प्रहरी कार्यालयका अनुसार मानवीय क्षती भने भएको छैन ।