कास्कीमा नालामा खसेर बालकको मृत्यु

Surya Baral

 |  प्रकासित मिति : ११ भाद्र २०७९, शनिबार ०७:५५

कास्की/कास्कीको पोखरामा नालामा खसेर एक बालकको मृत्यु भएको छ । कास्कीका प्रहरी प्रवक्ता प्रहरी निरीक्षक ज्ञानबहादुर खड्काका अनुसार पोखरा महानगरपालिका वडा नम्बर १६ माा गएराति परेको वर्षाले सडकबाट चिप्लीएर नालामा खसेका ११ वर्षीय रविन तिवारीको मृत्यु भएको हो ।

पोखरा १९ काउरेका रविन आमा र दिदीसँग दर खाएर राति साढे ८ बजे घर फर्किदै गर्दा नालामा खसेको उहाँले बताउनुभयो । राति नालामा खसेपछि प्रहरी र स्थानीयले खोजी गरेका थिए । नालामा खसेको करिब साढे १ घण्टामा भेटिएका उनलाई पोखराका मणिपाल अस्पताल लगेकोमा चिकित्सकले मृत घोषणा गरेका थिए ।