आजको मौसम सामान्यतया सफा
Surya Baral
काठमाण्डौ/देशका धेरैजसो ठाउँमा आज मौसम सामान्यतया सफा रहने मौसमविद्ले बताएका छन् ।
मनसुनी प्रणाली कमजोर भएकाले आज ठूलो पानी पर्ने सम्भावना छैन । अहिले देशका धेरै ठाउँमा पारिलो घाम लागेको मौसमविद् मञ्जु बासीले बताउनुभयो ।
पहाडी क्षेत्रका केही ठाउँमा मेघगर्जनसहित हल्कादेखि मध्यम वर्षाको सम्भावना छ ।
भोलिदेखि भने फेरि मनसुनी गतिविधि बिस्तारै सक्रिय हुने सम्भावना रहेको मौसमविद् बासीले जानकारी दिनुभयो । उहाँका अनुसार भोलि दिउँसो प्रदेश-१, वाग्मती प्रदेश र गण्डकी प्रदेशका केही ठाउँ र बाँकी प्रदेशका एकरदुई ठाउँमा हल्कादेखि मध्यम वर्षा हुनेछ ।
