रुपन्देहीमा अज्ञात समूहले चलाएको गोली लागेर एक जना घाइते

Surya Baral

 |  प्रकासित मिति : ३० श्रावण २०७९, सोमबार ०२:१९

रुपन्देही/रुपन्देहीमा अज्ञात समूहले चलाएको गोली लागेर एक जना घाइते भएक छन् । रुपन्देहीका एसपी रवीन्द्र रेग्मीका अनुसार ओमसतिया–४ स्थित वसन्तपुरमा अज्ञात समूहले चलाएको गोली लागेर ३१ वर्षका विकास गुरुङ घाइते भएका हुन् । ।

सिद्धार्थनगर नगरपालिका–१ बेलहिया घर भएका विकास गुरुङलाई गोली हानेपछि लुटेरा समूहले नजिकै रहेको सिद्धार्थ कटेज ९ढावा पसल०बाट पैसा लुटेर भागेका छन् । प्रारम्भिक अनुसन्धानबाट २५ हजार लुटपाट भएको खुलेको एसपी रेग्मीले बताए । गोली हान्नेहरू पल्सर मोटरसाइकलमा आएका थिए । राति पौने १२ बजेतिर गोली प्रहार भएको र घटनाबारे अनुसन्धान भइरहेको एसपी रेग्मीले जानकारी दिए ।