भक्तपुरमा रुख ढलेर बस र स्कुटर च्यापिँदा तिन जनाको मृत्यु

Surya Baral

 |  प्रकासित मिति : ८ श्रावण २०७९, आईतवार ११:०७

भक्तपुर/रुख ढलेर बस र स्कुटर च्यापिँदा भक्तपुर नगरपालिका वडा नम्बर १ सल्लाघारीमा आज तिन जनाको मृत्यु भएको छ । आज दिउँसो रुख ढलेर बस र स्कुटी च्यापिँदा भक्तपुर २ बस्ने २५ वर्षका विशेष खर्बुजा, चागुँनारायण नगरपालिका २ का ५५ वर्षका न्हुँच्छेराम बखत्यो र सर्लाहीको हरिवन नगरपालिका ४ का ४५ वर्षका राजकुमार भुजेलको मृत्यु भएको हो । भुजेल स्कुटरमा हुनुहुन्थ्यो भने बाँकी दुई जना गाडीमा हुनुहुन्थ्यो । यस्तै घाइते १५ जनाको भक्तपुरको विभिन्न अस्पतालमा उपचार भइरहेको छ ।

प्रहरीको प्रारम्भिक अनुसन्धानबाट रुखको जरा कमजोर भएर ढलेको देखिएको प्रहरी नायब उपरीक्षक राजु पाण्डेले जानकारी दिनुभयो ।