इनरह्वील क्लब अफ भरतपुरको अध्यक्षमा शाह।
Surya Baral
इनरह्वील क्लब अफ भरतपुरकाे वर्ष २०२२/२३को अध्यक्षमा मधु शाह चयन भएकी छन् । क्लबको पद हस्तान्तरण तथा धन्यवाद ज्ञापन समारोहमा उनलाई वर्ष २०२१/२२ का अध्यक्ष विमला अर्याल अधिकारीले पद हस्तान्तरण गरेकी हुन् ।
शाहकाे नेतृत्वमा वर्ष २०२२/२०२३ को लागि निवर्तमान अध्यक्षमा विमला अर्याल अधिकारी , उपाध्यक्षमा रिता ढकाल, सचिवमा अन्जु देवी शर्मा, कोषाध्यक्षमा ईश्वरी बानिया, आई.एस.ओ. मा गौरी खड्का , सम्पादकमा नितु भण्डारी सापकोटा, गङ्गा लक्ष्मी उलक र सुभद्रा सेन चयन भएका छन् ।
पद हस्तान्तरण गर्दै वर्ष २०२१–२२का अध्यक्ष विमला अर्याल अधिकारीले आफ्नो कार्यकालमा भएका कार्यहरुको बारेमा जानकारी गराएका थिए । इनरह्वील क्लब महिलाहरूकाे अन्तराष्ट्रिय सामाजिक संस्था हाे । क्लबले सन् २०२२ मा महिला, बालबालिका र वातावरणकाे क्षेत्रमा विभिन्न गतिविधिहरू गरेकाे थियाे ।
कार्यक्रमका प्रमुख अतिथि इनरह्वील क्लब डिष्ट्रिक ३५० का चेयरपर्सन सिमा झा रहेकी थिइन् । निवर्तमान सचिव माया निउरेले क्लवले जेहन्दार विद्यार्थीलाई छात्रवृत्ती पनि दिँदै आएकाे बताइन् । छात्रवृत्ती वितरणलगायतका विगतका कार्यक्रमलाई निरन्तरता दिँदै थप नयाँ याेजनाहरू पनि ल्याउने नयाँ अध्यक्ष मधु साहले बताइन् । पदहस्तान्तरण कार्यक्रमका विशेष अतिथि भरतपुर राेटरी क्लवका अध्यक्ष भाेला जाेशी रहेका थिए।
