पाकिस्तानमा बस दुर्घटना हुँदा ११ जनाको मृत्यु

Surya Baral

 |  प्रकासित मिति : २९ असार २०७९, बुधबार ०१:३६

एजेन्सी/उत्तरपश्चिम पाकिस्तानमा मंगलबार पहाडी सडकबाट बस चिप्लिएर खाल्डोमा खस्दा कम्तीमा ११ जनाको मृत्यु भएको छ भने दुई जना घाइते भएका छन् ।

खैबर पख्तुनख्वा प्रान्तको स्वात उपत्यकाको गेबिन जब्बा नजिकैको रमणीय लालको उपत्यकामा सो दुर्घटना भएको हो । मृत्यु भएका ११ व्यक्ति स्वात उपत्यकाको मट्टा तहसीलका बासिन्दा भएको बताइएको छ । उनीहरु यात्रापछि घर फर्किने क्रममा दुर्घटनामा परेका थिए । पुराना सडक, चालकको लापरबाही आदि कारणले पाकिस्तानमा बारम्बार सडक दुर्घटना हुने गरेका छन् ।
दुर्घटनाबारे प्रहरीले अनुसन्धान गरिरहेको छ ।