निहुरो टिप्न गएका एक जनाको गोली लागेर मृत्यु

Surya Baral

 |  प्रकासित मिति : १७ असार २०७९, शुक्रबार १२:४५

बर्दिया /भारतीय जङ्गलमा निहुरो टिप्न गएका बेला गोली लाग्दा एक जना नेपालीको मृत्यु भएको छ ।
प्रहरीका अनुसार बर्दियासँग जोडिएको भारतीय सिमाना मुर्तीहाको जङ्गलमा निहुरो टिप्न गएका गुलरिया नगरपालिका ३ का ५४ वर्षीय हेमराज गोडियामाथि गोली प्रहार हुँदा मृत्यु भएको हो ।

हिजो बिहीवार गोली लागेपछि भाग्दै घर नजिक आइपुगेका घाइते गोडिया केहीबेरपछि बेहोस हुनुभएको थियो । होसमा आएपछि फोन गरी आफन्तलाई खबर गरी आफन्तले उपचारका लागि गुलरिया अस्पतालमा लगेका थिए । उपचारकै क्रममा उहाँको आज शुक्रवार मृत्यु भएको हो ।

भारतको वनरक्षकले गोली हानेको हुन सक्ने अनुमान गरिए पनि पुष्टि भएको छैन । थप अनुसन्धान भइरहेको प्रहरीले जनाएको छ ।