विजय जुलुसको लागि मान्छे ल्याउन गएको गाडी दुर्घटना हुँदा ३ जनाको मृत्यु

Surya Baral

 |  प्रकासित मिति : २ जेष्ठ २०७९, सोमबार ०६:२१

महेन्द्रनगर/दार्चुलाको शैल्यशिखर नगरपालिका–६ ग्यानीमा नेकपा एमालेको विजय जुलुसमा प्रयोग भएको गाडी दुर्घटना हुँदा तीन जनाको मृत्यु भएको छ । जिल्ला प्रहरी कार्यालय दार्चुलाका प्रहरी नायव उपरीक्षक प्रतिक विष्टका अनुसार आज बिहान साढे ९ बजे गोकुलेश्वरबाट ग्यानीतर्फ गइरहेको से १ ज २७७ नम्बरको हाइस माइक्रो बस दुर्घटना हुँदा ३ जनाको मृत्यु भएको हो ।

दुर्घटनामा जीपका चालक ग्वानीका २३ वर्षका प्रकाशसिंह धामी, २२ वर्षका नवीन धामी र १९ वर्षका हरिसिंह धामीको घटनास्थलमा नै मृत्यु भएको प्रहरी नायव उपरीक्षक विष्टले जानकारी दिए । 

हाइस गोकुलेश्वरबाट नेकपा एमालेको विजयी जुलुसमा सहभागी हुनेहरुलाई ल्याउन ग्यानी गएको थियो ।