निर्वाचन अधिकृतको हस्ताक्षर नभएका मतपत्र भेटिएपछि राक्सिराङमा मतगणना रोकियो

Surya Baral

 |  प्रकासित मिति : १ जेष्ठ २०७९, आईतवार १३:३३

हेटौंडा/मतगणनाको क्रममा निर्वाचन अधिकृतको हस्ताक्षर नभएका पाँचवटा मतपत्र भेटिएपछि मकवानपुरको राक्सिराङ गाउँपालिकामा मतगणना कार्य रोकिएको छ ।

हालसम्म गणना भएको परिणाम अनुसार यो पालिकामा एमालेका बाबुलाल स्याङतान १७०८ मतका साथ अग्रस्थानमा छन् । कांग्रेसका राजकुमार मल्लले १६२२ मतका साथ बाबुलाललाई पछ्याइरहेका छन् ।

उपाध्यक्षमा पनि एमालेकी सुन्तलीमाया चेपाङ १६०९ मतका साथ अघि छन् । उनलाई माओवादीका बनस्तम थिङले १४८४ मतका साथ पछ्याइरहेका छन् ।