दाङको तुलसीपुरमा उम्मेदवारको मृत्यु भएपछि उनकै छोरा उम्मेदवार

Surya Baral

 |  प्रकासित मिति : २८ बैशाख २०७९, बुधबार ०९:४२

दाङ/दाङको तुलसीपुर उपमहानगरपालिका वडा नं १७ मा वडाध्यक्षका उम्मेदवारको मृत्यु भएपछि उनकै कान्छा छोरालाई उम्मेदवार बनाएको छ ।

नेकपा एमालेका जिल्ला अध्यक्ष हुकुम बस्नेतका अनुसार स्थानीय तह निर्वाचनका लागि वडाध्यक्षमा उम्मेदवारी दिएका लबरू चौधरीको मृत्यु भएपछि उनका कान्छा छोरा प्रदीप चौधरीलाई उम्मेदवार बनाइएको हो ।

उम्मेदवारको मृत्युपछि निर्वाचन आयोगले उक्त वडामा जेठ ३ गते निर्वाचनको मिति तय गरेको छ र बुधबार र बिहीबार उम्मेदवारी दर्ताको समय तोकिएको छ ।

तुलसीपुर उपमहानगरपालिकाको निर्वाचन अधिकृतको कार्यालयमा पुगेर प्रदीपले बुधबार नै उम्मेदवार दर्ता गराएका एमालेका जिल्ला अध्यक्ष बस्नेतले बताए ।