रेणुलाई हामी जिताउँछौं, गठवन्धनको जित सुनिश्चित : जीतनारायण

Surya Baral

 |  प्रकासित मिति : २२ बैशाख २०७९, बिहीबार १३:२८

चितवन/नेपाली कांग्रेस चितवनका निवर्तमान सभापति जीतनारायण श्रेष्ठले भरतपुर महानगरको मेयरमा रेणु दाहाललाई जिताउने सार्वजनिक प्रतिबद्धता व्यक्त गरेका छन। चितवनको भरतपुर महानगरमा आज बिहिवार सत्ता गठबन्धनको सभामा बोल्दै श्रेष्ठले भरतपुरको मेयरमा रेणु दाहाल सहित गठवन्धनका उमेदवारहरुलाई जिताएरै छाड्ने बताएका हुन। उनले पाँच दलीय गठबन्धनको जित सुनिश्चित भएको भन्दै पाँच दलीय गठबन्धनले जित्ने कुरामा विश्वस्त हुन नेताहरूलाई आग्रह समेत गरे।
उनलेे २९ वटै वडामा गठबन्धनलाई विजयी बनाउन अघि बढ्ने बताए । उनले भने,’ रेणु दाहाललगायत सिंगो गठबन्धनलाई जिताउन प्रतिवद्धता व्यक्त गर्छौं । यसो भन्दै गर्दा आदरणीय पुष्पकमल दाहाललाई भन्नैपर्छ हाम्रो पार्टीको सोझो सभापति हुनुहुन्छ । भोलिको दिनमा ढाँट्ने काम नहोस्।’ उनलेे बिगत नदोहोर्‍याउन आग्रह गर्दै गठवन्धनलाई जिताउन आम अपिल गरेका थिए ।