पछिल्लो २४ घण्टामा थप २० जनामा कोरोना पुष्टि
Surya Baral
काठमाण्डौं/पछिल्लो २४ घण्टामा २० जनामा कोरोना संक्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार देशभर गरिएको २ हजार ५०८ पिसिआर परीक्षणका क्रममा १८ जना र ७१४ एन्टिजेन परीक्षणका क्रममा २ जनामा कोरोना संक्रमण पुष्टि भएको हो ।
कोरोनाका कारण आइतबार पनि कसैको पनि मृत्यु नभएको स्वास्थ्य मन्त्रालयले जनाएको छ ।
त्यस्तै, थप २७ संक्रमित निको हुँदा हालसम्म नेपालमा ९ लाख ६६ हजार ६५६ जना निको भएका छन् । हाल नेपालमा २२१ सक्रिय संक्रमित आइसोलेसनमा रहेका छन् ।
