युवक अपहरण गरी बन्धक बनाएको आरोपमा ५ जना पक्राउ

Surya Baral

 |  प्रकासित मिति : १६ बैशाख २०७९, शुक्रबार १०:४४

काठमाडौं/एक जना युवकलाई अपहरण गरी बन्धक बनाएको अभियोगमा पाँच जनालाई प्रहरीले पक्राउ गरेको छ।

सिराहाका पवनकुमार यादवलाई स्कोर्पियोमा लगेर बन्धक बनाएको आरोपमा प्रहरी परिसर, काठमाडौंको टोलीले भक्तपुरका सञ्जन ओली, निरज केसी, सौजन्य सिंह, आशिष कोजु र सन्तोष न्यौपानेलाई सिनामंगलबाट पक्राउ गरेको हो ।

प्रारम्भिक अनुसन्धानमा अपहरित हुने र अपहरण गर्ने दुवै पक्ष लागूऔषध सेवनकर्ता भएको हुनसक्ने देखिएको र थप अनुसन्धान भइरहेको प्रहरीले बताएको छ।