भरतपुरमा ट्यांकरको ठक्करबाट एक जनाको मृत्यु

Surya Baral

 |  प्रकासित मिति : १५ बैशाख २०७९, बिहीबार ११:४९

चितवन/चितवनको भरतपुरमा ट्याङकरको ठक्करबाट साइकल यात्रीको मृत्यु भएको छ ।
भरतपुरको विशालचोक पदमपुर सडकमा विहीबार भोजाडबाट विशालचोक तर्फ आउँदै गरेको बा २ क ४५७५ नं.को दूध ट्यांकरले सोही दिशाबाट आउँदै गरेको साइकललाई ठक्कर दिँदा बारा गढीमाई नगरपालिका–५ बस्ने वर्ष २० को प्रमित भन्ने आदित्य जैसवालको मृत्यु भएको हो ।
ठक्करबाट घाइते भएका जैसवालको उपचारको लागि भरतपुर अस्पताल ल्याउदै गर्दा बाटोमै मृत्यु भएको थियो । त्यस्तै अहिले ट्यांकर र चालक प्रहरीको नियन्त्रणमा रहेको जिल्ला प्रहरी कार्यालय चितवनले जानकारी दिएको छ ।