हावाहुरीले भरतपुरमा रेडियाेकाे टावर र रूख ढाल्याे

Surya Baral

 |  प्रकासित मिति : ९ बैशाख २०७९, शुक्रबार १३:१७

चितवन । चितवनमा शुक्रबार आएको हावाहुरीले सामुदायीक रेडियो भरतपुरको टावर ढाली दिएको छ । भरतपुर–४ यज्ञपुरीमा रहेको रेडियोको टावर ढलेसंगै प्रशारण अबरुद्ध भएको हो । हावाहुरीले टावरसंगै सोलार प्यानल समेत उडाएको रेडियोका अध्यक्ष नविनराज पौडेलले जानकारी दिनुभयो । एक महिना अघिमात्रै रेडियो आफ्नै भवनमा सारिएको थियो । सो क्रममा टावर पनि नयाँ जडान गरिएको थियो ।   

       उक्त हावाहुरीका कारण रेडियोमा १५ लाख बराबरको क्षति भएको अध्यक्ष पौडेलले बताउनुभयो । टावरमा क्षति भएसंगै सो क्षेत्रको विद्युत समेत अबरुद्ध भएको छ ।