अष्ट्रेलियामा अध्ययनरत चितवनका एक युवा मृत फेला

Surya Baral

 |  प्रकासित मिति : ८ बैशाख २०७९, बिहीबार १४:०३

चितवन/चितवनका एक युवा अष्ट्रेलियामा आफ्नै कोठामा मृत फेला परेका छन् ।
सिड्नीमा अध्ययनरत चितवन स्थायी ठेगना भएका २४ वर्षीय धिरज रानाभाट मृत फेला परेको गैरआवासीय नेपाली संघ अष्ट्रेलियाले जनाएको छ। उनी नेपाली समयअनुसार मंगलबार मृत भेटिएका हुन् । चितवनबाट उनी चार वर्ष अघिमात्र व्याचलर इन आईटी पढ्न सिड्नी गएका थिए । पछिल्लो समय भिसा र आर्थिक समस्याले धिरज निकै तनावमा रहेको उनका साथीहरुले बताएका छन् ।

पछिल्लो तीन चार महिनाको तथ्यांक हेर्ने हो भने सिड्नीमा दुई जना र पर्थमा एक जना नेपाली युवाको मृत्यु भएको गैरआवासिय नेपाली संघले जनाएको छ ।