प्रदेश १, मधेस प्रदेश, बागमती र गण्डकी प्रदेशमा वर्षाको सम्भावना

Surya Baral

 |  प्रकासित मिति : ७ बैशाख २०७९, बुधबार ०२:००

काठमाण्डौं/हाल नेपालमा पश्चिमी वायुको साथै स्थानीय वायुको प्रभाव रहेको छ। मौसम पूर्वानुमान महाशाखाका अनुसार प्रदेश १ र मधेस प्रदेशमा आंशिक देखि सामान्य बदलीको अवस्था छ भने देशका पहाडी तथा हिमाली भूभागमा आंशिक बदली रही अन्य भूभागमा मौसम सामान्यतया सफा रहेको छ।
साथै प्रदेश १ का एक वा दुई स्थानमा हल्का वर्षाको अवस्था छ। आज देशको पहाडी भूभागमा आंशिक देखि सामान्य बदली रही बाँकी भूभागमा मौसम आंशिक बदलीदेखि सामान्यतया सफा रहने छ।
प्रदेश १, मधेस प्रदेश, बागमती र गण्डकी प्रदेशका थोरै स्थानहरूमा मेघ गर्जन÷चट्याङसहित क्षणिक÷हल्का वर्षाको सम्भावना रहेको छ।