उदयपुरमा आगलागीमा परेर एक जनाको मृत्यु

Surya Baral

 |  प्रकासित मिति : १४ चैत्र २०७८, सोमबार ०१:३५

उदयपुर/आगलागीमा परेर उदयपुरमा एक जनाको मृत्यु भएको छ भने आठ घरमा क्षति पुगेको छ ।

उदयपुरगढी गाउँपालिका–१ शिखरपुरमा हिजो दिउँसो लागेको आगोका कारण त्यहाँकी ६८ वर्षीया शिवमाया मगरको घटनास्थलमै ज्यान गएको उदयपुरका प्रमुख जिल्ला अधिकारी वीरेन्द्रकुमार यादवले जानकारी दिनुभयो । उहाँका अनुसार विद्युत् सर्ट भएर आगो लागेको अनुमान गरिएको छ ।

घटनाको अनुसन्धान भइरहेको छ । आगो हिजो बेलुका नै निभाइएको र पीडित परिवारलाई राहत दिने तयारीमा जुटेको प्रमुख जिल्ला अधिकारी यादवले जानकारी दिनुभयो ।