निर्देशक तथा निर्माता सुदर्शन थापा प्रहरी नियन्त्रणमा

Surya Baral

 |  प्रकासित मिति : १४ फाल्गुन २०७८, शनिबार १३:२५

काठमाडौँ/सोधपुछका लागि चलचित्र निर्देशक तथा निर्माता सुदर्शन थापालाई प्रहरीले नियन्त्रणमा लिएको छ ।
अभिनेता पल शाहविरुद्ध बुधबार जबरजस्ती करणीसम्बन्धी उजुरी परेको थियो । यही उजुरीमाथि छानबिनका क्रममा काठमाडौँको बानेश्वर प्रहरी वृत्तले थापालाई नियन्त्रणमा लिइएको हो ।
उनी पल शाह अभिनित चलचित्र ‘म यस्तो गीत गाउँछु २’ का निर्देशक तथा निर्माता हुन् ।

त्यस्तै, अभिनेत्री तथा निर्माता पूजा शर्मालाई पनि नियन्त्रणमा लिने प्रहरीले तयारी गरेको छ ।