लागु औषध ब्राउन सुगरसहित एक जना पक्राउ
Surya Baral
नेपालगञ्ज/लागु औषध ब्राउन सुगरसहित एक जनालाई प्रहरीले नेपालगञ्जबाट पक्राउ गरेको छ ।
बाँकेका प्रहरी नायव उपरीक्षक मधुसुदन न्यौपानेका अनुसार बर्दिया बढैयाताल गाउँपालिका–१ शान्तिपुरका २४ वर्षीय प्रविण बिसीलाई १५० ग्राम ब्राउन सुगरसहित नियन्त्रणमा लिएको हो ।
उनका अनुसार सीमा क्षेत्रको निगरानीमा रहेको लागु औषध नियन्त्रण ब्युरो र जिल्ला प्रहरी कार्यालय बाँकेको टोलीले बिसीको हिँडाइ शंकास्पद देखेपछि खानतलासी गर्दा ज्याकेटको दाहिने खल्तीमा तीनवटा प्लाष्टिकमा पोका पारी राखिएको ब्राउनसुगर बरामद भएको हो ।
प्रहरीले बिसीको साथबाट तीन हजार नगदसमेत फेला परेको छ । उनी एक वर्षदेखि लागु औषध सेवन तथा कारोबारमा संलग्न रहेको खुलेको प्रहरीको दाबी छ । सीमावर्ती रुपैडिया बजारबाट भारतीय नागरिकलाई चार लाख रुपैयाँ दिएर उनले ब्राउन सुगर भारतीय बजार रुपैडिहामा खरिद गरि काठमाडौँ पठाउने गरी ल्याएको प्रारम्भिक अनुसनधानबाट खुलेको प्रहरी नायब उपरीक्षक न्यौपानेले जानकारी दिए ।
