आज पनि माओवादी केन्द्रका भ्रातृ संगठनले एमसीसीविरुद्ध प्रदर्शन गर्ने

Surya Baral

 |  प्रकासित मिति : ६ फाल्गुन २०७८, शुक्रबार ०३:२४

काठमाण्डौं/अमेरिकी सहायता मिलेनियम च्यालेन्ज कर्पोरेसन (एमसीसी)विरुद्ध प्रमुख सत्ता साझेदार माओवादी केन्द्रका भ्रातृ संगठनले आज पनि प्रदर्शन गर्ने भएको छ ।  मध्यान्ह १२ बजे माओवादी केन्द्रका भ्रातृ संगठन योङ कम्युनिस्ट लिग नेपाल (वाइसिएल) र अनेरास्ववियु (क्रान्तिकारी)ले नयाँ बानेश्वरको  एभरेष्ट होटल अगाडि प्रदर्शन गर्ने वाइसिएलका इन्चार्ज रामप्रसाद सापकोटा दिपशिखाले बताए ।

आज दिउँसो १ बजे प्रतिनिधिसभा बैठकमा एमसीसी टेबल गराउन सत्ताको नेतृत्वकर्ता काँग्रेसले जोड गरिरहेका बेला माओवादी केन्द्रका भ्रातृ संस्था आन्दोलनमा उत्रिएका छन् ।
सत्ता गठबन्धनमा माओवादी केन्द्रले यथास्थितिमा एमसीसी टेबल गराउन नहुने अडान दिएको छ ।