चितवनमा ट्याङकरले मोटरसाइकललाई ठक्कर दिँदा एक जनाको मृत्यु

Surya Baral

 |  प्रकासित मिति : २ फाल्गुन २०७८, सोमबार ११:३९

चितवन/ट्याङकरले मोटरसाइकललाई ठक्कर दिँदा चितवनमा एक जनाको मृत्यु भएको छ ।

मुग्लिनबाट नारायणगढ तर्फ आउँदै गरेको ना७ ख ८१४१ नम्बरको तेल बोक्ने ट्याङकरले नारायणगढबाट मुग्लिनतर्फ जाँदै गरेको ना ३२ प ८२४८ नम्बरको मोटरसाइकललाई जलबिरेमा ठक्कर दिँदा मोटरसाइकलमा सवार भरतपुर महानगरपालिका–१८ की ३१ वर्षीय अम्बिसा गुरुङको मृत्यु भएको चितवन ट्राफिक प्रहरी कार्यालयले जनाएको छ । उनको पुरानो मेडिकल कलेजमा उपचारको क्रममा मृत्यु भएको हो ।

दुर्घटनामा मृतक गुरुङको तीन वर्षीय छोरी र श्रीमान् घाइते भएका छन् । उनीहरुको पुरानो मेडिकल कलेजमा उपचार भइरहेको जनाइएको छ ।