थप १ हजार १२८ जनामा कोरोना संक्रमण

Surya Baral

 |  प्रकासित मिति : २८ माघ २०७८, शुक्रबार १०:२३

काठमाडौं/नेपालमा पछिल्लो २४ घण्टामा १ हजार १ सय २८ जनामा कोरोना भाइरस संक्रमण पुष्टि भएको छ ।

देशभर १७ हजार ४४७ पीसीआर परीक्षणमा जम्मा ६६६ जनामा संक्रमण पुष्टि भएको छ । त्यस्तै तीन हजार ५४२ एन्टिजेन परीक्षणमा ४६२ जना गरी कुल ११२८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

कोरोना संक्रमणका कारण पछिल्लो २४ घण्टामा १४ जनाको मृत्यु भएको छ । त्यस्तै दुई हजार २१५ जना कोरोना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या २७ हजार ४४१ जना रहेको छ ।