हत्या प्रयासको आरोपमा एक जना पक्राउ

Surya Baral

 |  प्रकासित मिति : २७ माघ २०७८, बिहीबार ०४:५०

काठमाडौंको/धारिलो हतियार प्रहार गरेर हत्या प्रयास गरेको आरोपमा एक जनालाई प्रहरीले पक्राउ गरेको छ ।
काठमाण्डौंको स्वयम्भूमा धारिलो हतियार प्रहार गरेर २३ वर्षीय विकास आचार्यको हत्या प्रयास गरिएको हो। गर्धन र टाउकोमा धारिलो हतियार प्रहारबाट उनी गम्भीर घाइते भएका छन् ।

महानगरीय प्रहरी परिसर काठमाडौंका प्रवक्ता (एसपी) दिनेशराज मैनालीका अनुसार आचार्यलाई उपचारका लागि ट्रमा सेन्टरमा राखिएको छ ।

स्वयम्भूको ठाडो भर्‍याङस्थित ग्रिल पसलमा झगडा भएपछि आचार्यलाई हतियार प्रहार गरिएको थियो । उनी ६ महिनादेखि सो ग्रिल पसलमा कार्यरत थिए ।