रोकिराखेको ट्रकमा कार ठोक्किँदा तीन जनाको मृत्यु, दुई घाइते

Surya Baral

 |  प्रकासित मिति : २४ माघ २०७८, सोमबार ०३:१०

रुपन्देही/रोकिराखेको ट्रकमा कार ठोक्किँदा बुटवलमा तीन जनाको मृत्यु भएको छ भने दुई जना घाइते भएका छन्।

बुटवलको तामनगर नजिकै रहेको कोरियन प्रशिक्षण केन्द्रको कार्यालय अगाडि बिग्रिएर रोकिराखेको ना २ ख ९७७२ नम्बरको ट्रकसँग लु ३ च ४४४२ नम्बरको कार ठोक्किएर दुर्घटना हुँदा २८ वर्षीय सविन चौधरी, २७ वर्षीय गोविन्द चौधरी र २६ वर्षीय नवीन श्रेष्ठको मृत्यु भएको हो।

प्रदेश ट्राफिक प्रहरी कार्यालय बुटवलका प्रवक्ता डीएसपी मोहन बहादुर खाँडले घाइतेमध्ये २७ वर्षीय भागिरथ चौधरीको अवस्था गम्भीर रहेको जानकारी दिनुभएको छ ।

घाइतेहरुको लुम्बिनी प्रादेशिक अस्पतालमा उपचार भइरहेको खाँडले जानकारी दिनुभयो ।