लागु औषध ‘खैरो हेरोइन’ सहित दुई जनालाई पक्राउ

Surya Baral

 |  प्रकासित मिति : २० माघ २०७८, बिहीबार १०:१०

सुर्खेत/लागु औषध ‘खैरो हेरोइन’ सहित सुर्खेतको वीरेन्द्रनगर नगरपालिका–६ स्थित बसपार्कबाट प्रहरीले दुई जनालाई पक्राउ गरेको छ । वीरेन्द्रनगर–३ घर भएका २१ वर्षीय प्रकाश बुढा र २० वर्षीय दिपेन्द्र थापालाई पक्राउ गरिएको हो।

बसपार्कस्थित चौलागाई होटलबाट पक्राउ गरिएका आरोपीहरुको साथबाट ३ ग्राम ६ मिलीग्राम अवैध लागूऔषध ब्राउनसुगर बरामद गरिएको जिल्ला प्रहरी कार्यालय सुर्खेतले जनाएको छ । आरोपीहरुमाथि लागू औषध मुद्दामा म्याद लिएर जिल्ला प्रहरी कार्यालय सुर्खेतले अनुसन्धान गरिरहेको छ ।