भरतपुर विमानस्थलबाट आज हुने सबै उडान रद्द

Surya Baral

 |  प्रकासित मिति : १९ माघ २०७८, बुधबार ०९:५३

चितवन/बाक्लो कुहिरो र हुस्सु लागेर भिजिबीलिटी कम भएको कारण भरतपुर विमानस्थलबाट विभिन्न गन्तव्यहरुमा हुने आजका सबै उडानहरु रद्द भएका छन् ।
भरतपुर विमानस्थलकी एयर ट्राफिक कन्ट्रोलर शुभद्रा कार्कीका अनुसार आज बिहानैदेखि भैरहवा, काठमाडौँ र पोखराका लागि हुने उडानहरु प्रभावित भएको हो। उनले भिजिबिलिटी कम हुँदा उडानहरु हुन नसकेको जानकारी दिइन् ।
आजका लागि बुद्ध एयरलाइन्सको सातवटा उडान र गुण एयरलाइन्सको तीनवटा उडान तय भएको थियो । उडान प्रभावित हुँदाको समय यात्रुलाई पर्ने अप्ठ्यारोलाई ध्यानमा राख्दै वायुसेवा कम्पनीहरुले आफ्ना मोबाइल एपमार्फत अपडेट दिँदै जानकारी गराउँदै आएका छन् । आज दिनभर भरतपुरमा उडान हुने सम्भावना नभएको एयर ट्रफिक कन्ट्रोलर कार्कीले बताइन् ।