ब्राउन सुगरसहित दुई जना पक्राउ
Surya Baral
सुर्खेत/अवैध लागुऔषध ब्राउन सुगरसहित सुर्खेतबाट दुई जनालाई जिल्ला प्रहरी कार्यालय सुर्खेतले पक्राउ गरेको छ।
प्रहरीले सुर्खेतको गुर्भाकोट नगरपालिका–८ का ३२ वर्षीय लक्ष्मण परियार र वडा नं ९ का ३० वर्षीय रमेश ओलीलाई पक्राउ गरेको हो।
सोमबार नेपालगञ्जबाट सुर्खेततर्फ आउँदै गरेको सवारीसाधन म्याजिक रोकी जाँच गर्ने क्रममा परियार र ओलीको साथमा तीन ग्राम ४६० मिलीग्राम ब्राउन सुगर भेटिएपछि पक्राउ गरिएको प्रहरी सहायक निरीक्षक जीवानन्द दाहालले जानकारी दिए।
दुवै जनालाई भेरीगङ्गा नगरपालिका–१० तोलीखोला प्रहरी चेकपोष्ट नजिकैको सडकबाट पक्राउ गरिएको थियो। उनहरुका साथबाट बरामद ब्राउन सुगरसहित प्रतिवादी परियार र थापालाई जिल्ला प्रहरी कार्यालय सुर्खेतको हिरासतमा राखेर अनुसन्धान थालिएको प्रहरी सहायक निरीक्षक दाहालले बताए।
