विस्तार भइरहेको नारायणगढ गोन्द्राङ्ग सडक खण्डमा कन्टेनर पल्टिँदा एकजना घाइते

Surya Baral

 |  प्रकासित मिति : १७ माघ २०७८, सोमबार १०:१८

चितवन/चितवनमा कन्टेनर पल्टिँदा एक जना गम्भीर घाइते भएका छन् ।
सोमबार दिउँसो विस्तार भइरहेको नारायणगढ गोन्द्राङ्ग सडक खण्डमा भरतपुरबाट टाँडीतर्फ जाँदै गरेको प्रदेश ०३–००१–००५ ख ९९७० नम्बरको कन्टेनर  आफैँ अनियन्त्रित भई विद्युतको खम्बामा ठोक्किएको थियो ।
दुर्घटनामा घाइते ट्रक चालकको नाम ठेगाना नखुलेको प्रहरीले जनाएको छ । उनको भरतपुर अस्पतालमा उपचार भइरहेको छ ।
कन्टेनरले ठक्कर दिँदा दुईवटा विद्युतका खम्बाहरु पनि ढलेका छन् । विद्युतको खम्बा ढलेपछि विद्युत प्राधिकरण भरतपुर वितरण केन्द्रको टोली घटनास्थल पुगेको जिल्ला प्रहरी कार्यालय चितवनले जनाएको छ ।