आजदेखि आगामी विहीवारसम्म विद्यालय खुल्ने

Surya Baral

 |  प्रकासित मिति : १६ माघ २०७८, आईतवार ०३:५९

काठमाण्डौं/बालबालिकालाई कोरोनाविरुद्धको खोप लगाउन सरकारले आजदेखि आगामी विहीवारसम्मका लागि विद्यालय खुलाउने भएको छ । विद्यालय बन्द हुँदा १२ देखि १७ वर्ष उमेर समूहका बालबालिकालाई खोप लगाउन समस्या भएकाले आजदेखि बिहीवारसम्मका लागि विद्यालय खोल्ने निर्णय गरेको हो ।
शिक्षा, विज्ञान तथा प्रविधि मन्त्रालयका प्रवक्ता दीपक शर्माले विद्यालयमै खोप अभियान सुरु गर्न र बालबालिकालाई कोरोनाको जोखिमबाट बचाउनका लागि विद्यालय खोल्ने निर्णय गरिएका बताउनुभयो ।
कोरोनाको सङ्क्रमण दर बढ्दै गएपछि गत पुस २५ गते सीसीएमसीले माघ १५ गतेसम्मका लागि विद्यालय बन्द गर्न सिफारिस गरेको थियो । त्यसकै आधारमा देशभर बन्द भएका विद्यालय खुलाउनुपर्ने माग पनि उठिरहेको छ । तर, शिक्षा मन्त्रालयले भने सीसीएमसीको सिफारिस आएपछि मात्रै थप निर्णय गर्ने स्पष्ट पारेको छ ।